Telegram каналимизга аъзо бўлинг
Янгиликлар

Эрдоғаннинг ўғли Отатуркни нишонга олдими? 

8794

Туркия президентининг ўғли Билол Эрдоғаннинг алифбо ҳақидаги фикрлари ижтимоий тармоқларда қизғин баҳс-мунозараларга сабаб бўлди. Айримларнинг фикрига кўра, унинг сўзлари аслида Туркиянинг биринчи президенти Мустафо Камол Отатуркка қаратилган. 

CNN Türk телеканалидаги жонли эфирда қатнашган Билол Эрдоған мамлакатнинг фаровонликка эришиши ва алифбо ўртасида боғлиқ йўқлигини айтди. “Мен бошланғич мактабдаги йилларимни эслайман, бизга аниқ-тиниқ қилиб алифбомиз туфайли ортда қолиб кетганимиз айтилган, – деди у.

– Ўшанда бу ҳақда ўйламаган эдим, кейинчалик ўйладим. Унда нега қўшнимиз Греция алифбосини ўзгартирмади? Қўшнимиз Грузия-чи? Майли, Грузияни ривожланган давлат деб ҳисобламайлик, Япония ва Хитой нега алифбосини ўзгартирмади? Демак, ривожланишнинг алифбога алоқаси йўқ экан. Кийимларини ўзгартирмасдан ҳам ривожланган мамлакатлар бор. Унда нега ривожланиш ва кийимни бир-бирига боғлаганмиз? Кўриниш ўзгаргани билан руҳиятнинг ўзгариши жуда қийин. Кўринишингизни ўзгартирганингиз билан илм-фанда, технологияда Ғарбга ўхшаб қоласизми? Кўринишимизни шунчалик ўхшатдик, лекин нега Ғарбга етиб ололмадик?”

Билол Эрдоған Туркияда охирги йигирма йилда кузатилган ривожланишнинг ортида диндор одамларнинг каттагина роли борлигини таъкидлади. 

Эслатиб ўтамиз, Туркияда араб алифбосидан воз кечиб, лотин ёзувига асосланган турк алифбосига ўтиш ҳақидаги қонун 1928 йилнинг 1 ноябрида қабул қилинган. Янги алифбога ўтиш жараёнига “алифбо инқилоби” деб ном берилган. 

УЛАШИНГ:

Теглар:

Мавзуга доир:

Макрон Эрдоғанга ярашишни таклиф қилди

2040 10:00 16.01.2021

Саудия Арабистони фуқароларининг айрим давлатларга бориши тақиқланди

963 09:00 16.01.2021

Туркияда коронавирусга қарши эмлаш кампанияси бошланди

285 09:42 15.01.2021

Туркия, Озарбайжон ва Покистон ўзаро ҳамкорликни кучайтиради

661 13:00 14.01.2021

Абдукарим Мирзаев озодликка чиқди

1699 17:41 12.01.2021

“Ҳорун Яҳё” 1075 йилу 3 ойга озодликдан маҳрум этилди

4813 18:30 11.01.2021
« Орқага