Янгиликлар

Эрон ядровий келишув бўйича айрим мажбуриятларини расман тўхтатди

688

Эрон ядровий келишув бўйича айрим мажбуриятларини бажаришни расман тўхтатди. Бу ҳақда ISNA агентлиги Эрон атом энергияси ташкилотига таянган ҳолда хабар тарқатди.

Бу борадаги қарор Эрон миллий хавфсизлик кенгашида қабул қилинган. Саккизинчи апрель куни Теҳрон ядровий келишув доирасида баъзи (хусусан, бойитилган уран захираси ва оғир сув – оғир водородли сув) мажбуриятларни бажаришни тўхтатишини маълум қилган эди. Ядровий келишувга мувофиқ Эрон бойитилган уран 300 килограммга, оғир сув 130 тоннага етганида ортиқчасини бошқа давлатларга сотиши зарур.

Агар ядровий келишувга қўшилган давлатлар икки ой ичида Эроннинг нефть ва банк секторини АҚШнинг санкцияларидан ҳимоя қилиш бўйича ваъдаларини бажармаса, Теҳрон келишув доирасидаги яна иккита мажбуриятдан воз кечади. Берилган муддатда бирор силжиш қайд этилмаса, Эрон уранни 3,67 фоиз даражасида бойитиш бўйича мажбуриятни ўзидан соқит қилади. Бундан ташқари, Аракдаги оғир сув реакторини модернизациялашдан воз кечиши мумкин.

Маълумки, Эрон ҳамда дунёнинг олти йирик давлати – Россия, Буюк Британия, Хитой, АҚШ, Франция ва Германия ўртасидаги ядровий келишув 2015 йилда тузилган ва 2016 йилнинг январида кучга кирган. Келишув БМТ Хавфсизлик Кенгаши, АҚШ ва Европа Иттифоқининг Эронга нисбатан санкцияларни бекор қилишини, Эрон эса ўз навбатида ядровий фаолиятини чеклашини ва уни халқаро назоратга очишини кўзда тутади. Бироқ бундан бир йил муқаддам АҚШ келишувдан чиқди ва Эронга нисбатан санкцияларни қайта тиклади.

УЛАШИНГ:

Теглар:

Мавзуга доир:

Иордания Исроилга уруш эълон қила оладими?

1413 22:00 23.05.2020

«Ишончли» Англия банкидан Венесуэла ва Эрон ўз пулларини қайтариб ололмаяпти

500 15:37 21.05.2020

Эрон етакчиси араб давлатларини Фаластинга хиёнатда айблади

1410 13:30 20.05.2020

Сурияга Россиядан 6 та Миг-29 самолёти келди

867 21:36 19.05.2020

Эрондан 5 нафар қирғизистонлик олиб келинди

285 15:00 19.05.2020

Эрон парламенти Исроилга қарши қонунни қабул қилди

1744 17:00 18.05.2020
« Орқага