Эронликлар бу йил ҳам умрага бормайди

09:30 07.05.2019 1696

Эрон Ҳаж ва зиёрат ташкилоти раиси ўринбосари Акбар Ризоий жорий мавсумда ҳам эронликлар умра ибодатини адо этиш учун бормасликларни эълон қилди. Эронликлар учун умра эшиклари 2015 йилдан бери ёпиб қўйилган. Бу ҳақда «RT Arabic» хабар берди.

Акбар Ризоий: «Бу йил ҳам эронликларга умра зиёратини адо этиш имкониятлари қайтарилмайди… Саудия Ҳаж ишлари вазирлиги ва Эрон ўртасида эронликларни умра ибодатини адо этиш имкониятларини қайта тиклаш борасида келишувга эришилмади. Келаси ҳаж мавсумидан сўнг Теҳрон яна фуқароларини умрага жўнатиш учун керакли чораларни кўради. Бу Эроннинг зиёратчиларини ҳурмат ва қадр-қимматини ўрнига қўйишга бўлган талабига Саудия Арабистонининг жавобига боғлиқ бўлади» деган.

Маълумотларга кўра, июль ойида Эрон фуқароларини Саудияга ҳаж ибодатини адо этиш учун юбориши кутилмоқда.

 

Azon.uz янгиликларини Telegram'да ҳам кузатиб боринг!