Telegram каналимизга аъзо бўлинг
Янгиликлар

Европа Иттифоқи Ямандаги вазиятга муносабат билдирди

498

Европа Иттифоқи Ямандаги айирмачи хусийларнинг Саудия Арабистони ва БААдаги нефт конларига ҳужум қилиш хавфидан хавотирда.

Бу ҳақда Европа Иттифоқининг Ямандаги миссияси ва Ҳамдўстликка аъзо давлатлар дипломатик делегацияларининг Санъадаги хабарида айтилади. 

Хабарда айтилишича, нефт компаниялари ва тижорат автомобилларига ҳужум қилиш таҳдиди қабул қилиниши мумкин эмас. 

Ямандаги можаро томонлари БМТнинг Яман бўйича махсус вакили Ханс Грундбергнинг “музокараларни давом эттириш, вазминлик кўрсатиш ва бефойда қадамлардан қочиш” чақириғига қулоқ тутиши керак, деди Европа Иттифоқи вакиллари. 

Айниқса, хусийлар ўз талабларини тийиб туришлари ва БМТнинг Яман бўйича махсус вакили билан конструктив мулоқотга киришишлари керак, токи ўт очишни тўхтатиш режими давом эттирилиб, натижада қуролсизланиш ва кенг қамровли тинчликка олиб келади, дейилади ҳисоботда. 

Яманда ўт очишни тўхтатишдан бир неча соат ўтиб, 2 октябрь куни хусийлар Саудия Арабистони ва БААдаги нефт конларига зарба бериш билан таҳдид қилдилар ва нефт компанияларини бу мамлакатларни тарк этишга чақирдилар.

- Яманда олти ойлик сулҳ 2 октябрда тугади 

БМТнинг Яман бўйича махсус вакили Ханс Грундберг Яман ҳукумати ва хусийлар 2 апрелдан бошлаб ҳаво, қуруқлик ва денгиз амалиётларини икки ойга тўхтатишга келишиб олганини маълум қилганди. Кейинроқ оташкесим икки марта узайтирилди. 

Яман ҳукумати ва хусийлар томонидан қабул қилинган ўт очишни тўхтатиш келишувига кўра, олти ойлик ўт очишни тўхтатиш 2 октябрь оқшомида маҳаллий вақт билан соат 19:00 да якунланди. 

2014 йилдан бери Яманда қуролли тўқнашувлар давом этмоқда, унда бир томондан “Ансоруллоҳ” (хусийлар) шиа ҳаракати исёнчилари ва Яманнинг ағдарилган президенти Али Абдуллоҳ Солиҳ тарафдорлари, бошқа томондан эса, Президент Абдураббу Мансур Ҳодий ҳукуматига содиқ қўшинлар иштирок этмоқда.  

Хусийлар мамлакат пойтахти Сана шаҳри ва бошқа қатор ҳудудларни назорат қилади. 

Саудия Арабистони бошчилигидаги араб коалиция кучлари 2015 йилнинг март ойидан бери хусийларга қарши курашда Яман ҳукуматини қўллаб-қувватлаб келади. 

БМТ ҳисоботларига кўра, уруш бошланганидан 2021 йил охиригача Ямандаги уруш бевосита ёки билвосита 377 минг кишининг ҳаётига зомин бўлган. 

Дунёнинг энг қашшоқ давлатларидан бири Ямандаги гуманитар инқироз ўта хавфли даражага етди.

УЛАШИНГ:

Теглар:

Мавзуга доир:

«Зилзила Эрдоған маъмурияти учун жиддий имтиҳон» – Камолиддин Раббимов

128 10:05 07.02.2023

Туркияда зилзила сабабли 7 кунлик миллий мотам эълон қилинди!

450 07:30 07.02.2023

Алижон Аксой: «Инша Аллоҳ, биргаликда бу фалокатни енгиб ўтамиз!»

1078 22:25 06.02.2023

Иккинчи хотин бўлиш айбми? 

1671 20:05 06.02.2023

Ўзбекистон жойлашган минтақада кучли зилзилалар содир бўлиш эҳтимоли мавжудми? — ФВВ хабари

1317 19:36 06.02.2023

Россия ва Эрон Татаристонда дрон ишлаб чиқаришни режалаштирмоқда

489 18:10 06.02.2023
« Орқага