“Эй инсон! Роббинг тоатига жидду жаҳд қил"

23:00 17.06.2019 637

“Эй инсон! Роббинг тоатига жидду жаҳд қил. Сени маҳрум қилганга беришга, алоқани узган билан алоқа ўрнатишга, сенга зулм қилганни кечиришга ҳаракат қил. Жисминг бандалар билан, қалбинг эса уларнинг Раббиси билан бўлсин. Ростгўй бўл, ҳаргиз йўлғон сўзлама. Холис бўл, ҳечам мунофиқлик қилма. Луқмони Ҳаким айтарди: «Эй ўғлим, қалбинг гуноҳкор бўла туриб ўзингни тақводор кўрсатма». Ҳолингга вой бўлсин, фалон - фалонларга ўхшаб икки юзли, икки хил тилли ва икки хил иш қилувчи (мунофиқ) бўлма...

Қалбингга нифоқ (мунофиқлик) ниҳоли ўсибди. Энди динга қайтишга, чин тавбага ва нифоқ арқонларини кесиб ташлашга муҳтожсан. ...

Ҳолингизга вой бўлсин, Аллоҳнинг муҳаббатини даъво қиласизлару қалбингиз билан Ундан бошқага юзланасизлар...“

Абдулқодир Жийлоний

Аллоҳ учун қилиниши керак бўлган амалларни бошқа мақсадда қилишнинг барчаси Ундан бошқага юзланиш ҳисобланади. Қалблар ислоҳ бўлмагунча жамият ислоҳ бўлмайди. Ҳар биримиз қалбимизни ислоҳ қилишга киришайлик!

Улуғбек Насриддин ўғли

 

Azon.uz янгиликларини Telegram'да ҳам кузатиб боринг!