Фарғона вилоятига янги бош имом-хатиб вазифасини бажарувчи тайинланди

18:43 05.07.2019 1397

Шу йилнинг 5 июл куни Фарғона вилоятида меҳнат қилаётган имом-хатибларнинг йиғилиши бўлиб ўтди. Бу ҳақда Ўзбекистон мусулмонлари идораси матбуот хизмати хабар бермоқда. Йиғилишда ташкилий масала кўрилди. Ўзбекистон мусулмонлари идорасининг Фарғона вилоятидаги вакили, вилоят бош имом-хатиби Салим Қодиров ўз ихтиёрига биноан эгаллаб турган лавозимидан озод этилди.

Фарғона вилояти Марғилон шаҳар бош имом-хатиби ва “Хонақоҳ” жоме масжиди имом-хатиби Убайдуллоҳ домла Абдуллаев Фарғона вилояти бош имом-хатиби вазифасини бажарувчи этиб тайинланди.

Убайдуллоҳ домла Абдуллаевга ушбу масъулиятли вазифада Аллоҳ таолодан улкан муваффақиятлар тилаб қоламиз.

Azon.uz янгиликларини Telegram'да ҳам кузатиб боринг!