Ғазода балиқчиларга ишларини давом эттиришга рухсат берилди

18:30 10.05.2019 279

Исроил ҳукумати бугундан бошлаб Ғазодаги балиқчиларга ўз ишларни қайта бошлашга рухсат берди. Исроил бир неча кун олдин Ғазога босимни кучайтирган пайтида балиқчиларга ҳам балиқ тутишни таъқиқлаб қўйган эди. Бу ҳақда «Анадолу» хабар тарқатди.

Балиқчилар уюшмаси раиси Назор Аёш «Анадолу»га берган маълумотида: «Мустамлакачи бизга Ғазо шимолидаги соҳилдан 6 миль, Мийнодан эса 12 миль узоқликкача балиқ тутишга рухсат этилганини етказди», деган.

Эслатиб ўтамиз, ўтган ҳафта шанба тонгидан жорий ҳафта душанбагача Исроил Ғазодаги бир неча юзлаб объектларни бомбардимон қилди. Фаластиндаги гуруҳлар ҳам бунга жавобан Исроил жанубига ракеталар отдилар. Натижада фаластинликлардан 27 киши шаҳид бўлди ва 154 киши яраланди.

Шунингдек, Исроил томондан 4 киши вафот этди ва 130 киши жароҳат олди.

Azon.uz янгиликларини Telegram'да ҳам кузатиб боринг!