Халқаро атом энергияси агентлиги МАГАТЭ принципиал позицияни эгаллади ва Россиядан ўз қўшинларидан Запорожье атом электр станциясини тарк этишни талаб қилмоқда.

Бу ҳақда Украина Президенти маҳкамаси маслаҳатчиси Михаил Подоляк маълум қилди, деб хабар беради РБК-Украина. 

"Улар Халқаро атом энергияси агентлигидан ушбу объектни қонуний равишда" Росатом"га тегишли деб тан олишни, у ерда ишлаб чиқариш жараёни билан шуғулланадиган рус жамоасини ташкиллаштиришни талаб қилмоқчи эдилар. Шундан сўнг, иш бошламоқчи бўлган", деди Подоляк.

Унинг сўзларига кўра, станцияда ишлаб чиқариш жараёни билан шуғулланадиган бошқа бирон бир юридик гуруҳ, яъни украин бўлмаган жамоа бўлмайди.

"Бу, умуман олганда, руслар учун қулай эмас. Улар Запарожье атом электр станциясини ушлаб туриш учун ҳеч қандай мададга эга эмас. Ҳозир вазият шундайки, Россия бу ерда вақтинча тўсиқлар қўйиши мумкин. Ҳарбий жиҳатдан Запорожье вилояти кутилмаган воқеаларга дуч келиши мумкин. Бунинг учун аллақачон қарши ҳужумга тайёргарлик кўриш бошланган", - дея қўшимча қилган маслаҳатчи.

Aввалроқ, Халқаро атом энергияси агентлиги раҳбари Рафаэл Гросси Росатом бош директори Aлексей Лихачев билан Истанбулда музокаралар олиб борганини хабар қилинган. 

Эслатиб ўтамиз, 20 ноябрь куни рус қўшинлари Запорожье атом электр станцияси ҳудудини ўққа тутди. Станция инфратузилмасига камида 12 та зарба келиб тушган.