Нигериядаги инсон ҳуқуқлари ташкилотлари Лагос штатининг мамлакат Олий суди қарорини ижро этиш ва ўқувчи қизларга ҳижоб ўраш ҳуқуқини таъминлашга қаратилган ҳаракатини олқишлади, деб ёзади The Nation Online.

Нигерия Олий суди мусулмон аёл Асият Абдулкаримнинг Лагос штати ҳукуматига қарши ишини кўриб чиқди. Суд апелляция суди қарори тўғри бўлганлигини ва давлат мактабларида ҳижоб таъқиқланиши диний камситиш эканлигини тасдиқлади. 

Суд қарорида шундай дейилади: “Олий суд Лагос штати мактабларида ўқувчи-талабаларнинг ҳижобдан фойдаланиш тўғрисидаги қарорини кўриб чиқди ва агар хоҳласа, ўқувчиларга ҳижоб кийишга рухсат берилишини эълон қилди. Мактабларда ҳижобдан фойдаланиш бўйича кенг қамровли йўриқнома ҳукумат томонидан чиқарилади, аммо шуни таъкидлаш керакки, ҳукм штатдаги барча мактаблар учун мажбурийдир ..."  

Штат ҳукумати суд ҳукмига эътироз билдирмади ва мактабларга ўқувчиларга ҳижоб кийишга рухсат бериш мажбуриятини билдирувчи қарорини эълон қилди.

"Биз Қодир Аллоҳга ғалаба учун шукрона айтамиз ҳамда бирдамлик ва қўллаб-қувватлаш учун диндошларга миннатдорчилик билдирамиз", - дея изоҳ берди инсон ҳуқуқлари ташкилоти директори Мутиат Оролу-Балогун. 

Олий суднинг қарори айниқса муслима ўқувчи ва талабаларга қувонч бағишлади.

“Умид қиламизки, бу ҳижобли мусулмон талабаларга нисбатан таъқиб, зулм ва қурбонликка чек қўяди”, - деди Нигерия мусулмон талабалар жамияти президенти Мифтоҳуддин Танний.