1

Фаросат аҳлига ибрат замона,

Дили кўрлар учун ишрат замона.

Дилини покламоқ бўлганлар айтур,

Ки зикри Ҳақ учун фурсат замона.

2

Иллат излаганга иллатдур дунё,

Ғурбат излаганга ғурбатдур дунё.

Ким нени изласа, топар бегумон,

Ҳикмат излаганга ҳикматдур дунё.

3

На шараф, на шон истадим,

На садаф, на кон истадим,

Бари ўткинчи, шу боис

Гавҳари Иймон истадим.

4

Дард келса, ғам келса ютдик биз,

Кутдик биз, кутдик биз, кутдик биз.

Қабр деб атаманг бу жойни

У уйдан бу уйга ўтдик биз…

5

Бир кун биз ҳам афсона бўлгаймиз,

Тупроқ билан ҳамхона бўлгаймиз.

Йўқолдики – ҳар не азиз бўлгай,

Йўқолдикки, дурдона бўлгаймиз.

Садриддин Салим Бухорий