Ҳиндистон Олий суди Жамму ва Кашмирда чекловларнинг бекор қилинишига қарши чиқди

11:30 14.08.2019 402

Ҳиндистон Олий суди аҳолисининг аксарини мусулмонлар ташкил этувчи Жамму ва Кашмир штатида жорий этилган чекловларнинг бекор қилинишини қўллаб-қувватламади. Бу ҳақда India Today нашри хабар бермоқда.

Етакчи мухолиф партия ҳисобланувчи “Ҳинд миллий конгресси” вакили Таҳсин Пунвала Олий судга мурожаат қилиб, Жамму ва Кашмирда штатни алоҳида мақомидан маҳрум қилиш ва уни иккига бўлиш ҳақидаги ҳукумат қароридан кейин жорий этилган чекловлар ноқонуний эканини таъкилади. Унинг фикрича, телефон алоқаси ва интернетнинг узиб қўйилиши конституцияга зиддир.

Бундан ташқари, Жамму ва Кашмирда намойиш ўтказиш ҳам тақиқлаб қўйилган.

Олий суд эса Жамму ва Кашмир штатида вазиятнинг нормаллашуви учун ҳукуматга вақт керак деган хулосага келди. Чекловларни бекор қилиш масаласи икки ҳафтадан кейин яна кўриб чиқилади.

Azon.uz янгиликларини Telegram'да ҳам кузатиб боринг!