Ҳиндистонда коронавирусга қарши кураш доирасида комендантлик соати жорий этилиши ортидан миллионлаб инсон ишсиз қолган, катта шаҳарларда ишлайдиган мавсумий ишчилар қишлоғига қайта бошлаган. 

“Евроньюс”нинг хабар беришича, Уттар-Прадеш штатининг Барелей шаҳри автошоҳбекатида мутасаддилар уйларга кетаётган мавсумий ишчиларни гуруҳ ҳолида катта шланг билан дезинфекция қилган. Бу ғалати дезинфекция усулининг тасвири ижтимоий тармоқларда тарқалиб, норозиликларга сабаб бўлди. 

Барелей прокурори Нитиш Кумарнинг маълум қилишича, ушбу ҳолат юзасидан суриштирув бошланган. “Ишчиларни эмас, автобусларни дезинфекция қилишга кўрсатма берилганди”, – деди у.