Хитой: “Лагерлардаги уйғурларнинг кўпи қўйиб юборилди”

11:50 31.07.2019 2411

Хитой Шарқий Туркистондаги лагерларда ушлаб турилган уйғурларнинг кўпчилиги қўйиб юборилганини маълум қилди, дея хабар бермоқда DW.

Пойтахт Пекинда ўтказилган матбуот анжуманида Шарқий Туркистон раҳбарининг ўринбосари Олқон Туниёз “таълим олганларнинг аксари жамиятга ва уйларига” қайтганини айтди. Аммо у айнан неча киши қўйиб юборилганини ошкор этмади.

Шарқий Туркистон раиси Шуҳрат Зокир лагерлардан озод қилинганларнинг “90 фоиздан ортиғи ўзига муносиб иш топгани”ни айтиб, “таълим марказлари”нинг самарадорлигини ҳимоя қилди.

Халқаро ҳамжамият ва ҳуқуқни ҳимоя қилувчи ташкилотлар эса Хитой “таълим марказлари” деб атайдиган бу лагерларни кўпдан бери танқид қилиб келади.

Azon.uz янгиликларини Telegram'да ҳам кузатиб боринг!