Хитойнинг жануби-шарқида жойлашган Шэнчжэн шаҳрида мушук ва кучук гўштини сотиш ва истеъмол қилиш тақиқланди, дея хабар бермоқда BBC News.

Шу тариқа Шэнчжэн Хитойда бундай тақиқни қўллаган илк шаҳар бўлди. Янги тақиқ жорий йилнинг 1 майидан амал қила бошлайди. 

Шэнчжэн шаҳрида кучук ва мушук гўштини ейишни ман этиш ҳақидаги таклифлар феврал ойида, коронавирус инфекцияси ёввойи ҳайвонлар гўштидан тарқалгани ҳақида хабарлар чиққанидан кейин билдирилган эди. 

Мамлакат ҳукумати феврал ойининг охирида ёввоий ҳайвонлар гўштини истеъмол қилишни ва бундай жониворларнинг ноқонуний савдосини тақиқлаб қўйди.