“Евроньюс”нинг хабар беришича, Хитойда хулқи ёмон ёки жиноятга қўл урган болалар учун ота-оналарини жазога тортишни кўзда тутувчи қонун лойиҳаси тайёрланди.
Лойиҳада хулқи жуда ёмон бўлган ёки жиноят содир этган болаларнинг ота-оналари ҳақида баённома тузилиб, улар жумладан оилавий таълим дастурига юборилади. Шунингдек, ота-оналар фарзандларининг ўйнаши, дам олиши ва машғулотлар билан шуғулланиши учун етарлича вақт ажратишга масъул бўлади.
Қонун лойиҳаси келгуси ҳафтада мамлакат парламентининг тегишли қўмитасида кўриб чиқилади.
Хитойда охирги вақтда болалар билан боғлиқ бир қатор қонунлар ишлаб чиқилди, болаларнинг компьютерда ўйин соатлари ва кунлари чеклаб қўйилди. Таълим вазирлиги ўқувчиларга бериладиган уй вазифаларини камайтирди, ҳафта охирида ва таълим пайтидан мактабдан ташқарида дарс ўтилишини тақиқлади.
