Янгиликлар

Хитойдан қайтган 20 ёшли талаба вафот этди

35979

Қўқонда Хитойдан қайтган 20 ёшли талаба йигит вафот этди. Марҳум М.А. 2019 йилнинг кузидан буён Хитойнинг Гуйлинь шаҳрида ўқишда бўлган. Жорий йил 31 январь куни Хитойдан тўғридан-тўғри авиақатновлар йўқлиги учун Жанубий Корея орқали Ўзбекистонга қайтган.

Қўқон шаҳар давлат санитария ва эпидемиология назорат маркази томонидан берилган расмий изоҳда Хитойдан қайтган талаба вафоти тасдиқланиб, фуқаро ўлими дастлабки суд тиббий экспертиза хулосасига кўра, ис газидан заҳарланиш оқибати келиб чиққанлиги, Хитойда тарқалган коронавирус хасталиги билан боғлиқлик аломатлари аниқланмагани таъкидланади.

Маълум бўлишича, жорий йил 5 февраль куни Ўзбекистон туманида яшовчи М.А. ўзи истиқомат қиладиган уй ҳаммомига ювиниш учун кириб кетиб, бир неча соат давомида қайтиб чиқмаган.

Шундан сўнг унинг яқинлари ҳаммом эшигини бузиб киришганида йигит жонсиз ҳолатда ётганига гувоҳ бўлишган.

Мурда дастлабки суд тиббий текширувидан ўтказилганида унда ис газидан заҳарланишга хос бўлган махсус специфик белгилар аниқланган.

Қайд этилишича, М.А. тил ўрганиш мақсадида 2019 йил 15 ноябрда Хитойга бориб, жорий йил 31 январь куни Жанубий Корея орқали Ўзбекистонга қайтган. У юртимизга қайтиб келган куниёқ Ўзбекистон туманидаги поликлиникада тиббиёт ходимлари томонидан кўрикдан ўтказилган ва икки ҳафталик назоратга олинган бўлиб, унда ҳеч қандай касаллик аломатлари аниқланмаган. 

Инна лиллаҳи ва инна илайҳи рожиъун.!

УЛАШИНГ:

Теглар:

Мавзуга доир:

Коронавирусдан зарарланганлар 9 нафарга ошди

876 17:36 31.03.2020

Ўзбекистонда биринчи бўлиб коронавирусга чалинган аёлнинг қўшнилари карантиндан чиқарилди

690 17:10 31.03.2020

Карантиндагилар махсус поездда ўз манзилларига етказиб қўйилмоқда

208 16:53 31.03.2020

Коронавирусга чалинган беморлар қайси вилоятлардан? 

739 16:43 31.03.2020

Стикер қандай олинади ва кимларга берилади?

514 11:30 31.03.2020

Касалланганлар сони 158 нафарга етди

983 10:24 31.03.2020
« Орқага