Telegram каналимизга аъзо бўлинг
Таҳлил

Ҳокимиятнинг пуллик кўприкка муносабати

5102

Яқинда ижтимоий тармоқларда ўнлаб одамларнинг норози кайфиятда йиғилгани тасвирланган видео тарқалди.
“Дардини яширган дармон топмас”, деб бежизга айтишмаган.

Хабарда айтилишича, бу норозиликнинг сабаби – аҳолига хизмат қиладиган кўприкдан фойдаланиш эвазига улардан тўлов ундирилиши бўлган.Транспорт русуми, юк ҳажмидан келиб чиққан ҳолда тарифлар ҳам жорий қилинган. 

Ушбу “Жумуртов понтон” номли кўприк Қорақалпоғистон Республикаси Амударё туманидан оқиб ўтувчи Амударёнинг ўрта оқимида жойлашган. Туманнинг чап соҳилга туташ ҳудудларини дарёнинг ўнг соҳилга туташ ҳудудлари билан боғлаб турадиган иккита кўприк мавжуд. Булар Қипчоқ ҳамда Жумуртов понтон кўприкларидир. Кўприклар орасидаги масофа ўттиз саккиз километрни ташкил қилади. Яъни, агар Жумуртов кўприги бўлмаса, ҳудуд аҳолиси дарёни кечиб ўтиш учун ўттиз саккиз километр масофани босиб ўтишлари керак.
Шу ўринда кўпчиликда савол туғилиши табиий: 

Нима учун бу кўприкдан ўтиш пуллик?
Жумуртов понтон кўприги ростан ҳам пулли обектлар  жумласиданми ёки кимларнингдир “даромад манбаи”ми?
Йўловчилардан пул йиғиш қачондан бери давом этиб келган? 

Шу ва шу каби саволларга жавоб олиш мақсадида Амударё туман ҳокимлиги билан боғландик. Ҳокимлик бу борада маълумот берилишини айтишди.
Мурожаатдан бир неча соат ўтгач, ҳокимлик расмийси бу воқеликка эътибор қаратганимиз учун миннатдорлигини айтди. Расмий муносабат билдирилди ва ҳокимликнинг расмий сайтига жойланди.Унда Жумуртов понтон кўприги ҳақида қуйидагича маълумотлар берилган:

“Мазкур кўприк Жумуртов шаҳарчаси ҳудудида фаолият юритувчи “Жумуртов понтон кўприги” масъулияти чекланган жамиятига қарашли бўлиб, кўприкни таъмирлаш-сақлаш харажатлари, ишчиларга бериладиган ойлик маошлари ва бошқа харажатлари тадбиркор томонидан молиялаштирилиши сабабли бу кўприк орқали қатновлар пуллик ҳисобланади.

Мазкур понтон кўприк тадбиркор томонидан 2001 йилда ўрнатилиб, ўз фаолиятини бошлаган. Мазкур кўприкда бугунги кунда 2 сменада 10 нафар ишчи-ходимлар ишлаб келмоқда. Умумий узунлиги 290 метрни, эни 12 метрни, юк кўтариш қобилияти 10 тоннани ташкил қилади.

Кўприкдан фойдаланган йўловчи ва автотранспорт воситаларидан МЧЖ раҳбарияти томонидан тасдиқланган тарифлар асосида хизмат ҳақи олинмоқда ҳамда тегишли тартибда чек берилиб, пуллари банкка кирим қилинмоқда. Шунингдек, қонунда кўрсатилган тартибда алоҳида шахсларга имтиёзлар берилган бўлиб, фавқулодда вазиятларда хизмат кўрсатувчи автотранспорт воситаларидан хизмат ҳақи олинмайди.”

Кўприклар,йўллар қуриш,одамларнинг мушкулларини осон қилиш-олийжаноблик, динимизда мақталган иш. “Жумуртов понтон кўприги” МЧЖ раҳбариятидан бу йўлда янада ғайратли булиб, хизмат нарҳлари борасида,қулайликлар борасида халқ учун кўпроқ енгилликлар беришини умид қиламиз.
Шу ўринда расмий муносабат билдирган Амударё туман ҳокимлигига ҳам миннатдорчилик билдирамиз.

Муҳаммадумар Абдуллаев

УЛАШИНГ:

Теглар:

Мавзуга доир:

Рамазон ҳикоялари: Истанбулнинг энг катта тумани ҳокими мураттаб қори... 

1584 18:05 04.04.2022

Қишлоқ хўжалигига мўлжалланган ерларни ижарага беришда ҳоким қарори талаб қилинмайди

447 11:10 25.03.2022

Қозоғистонда Миллий хавфсизлик қўмитасининг собиқ раиси қўлга олинди

2232 10:59 08.01.2022

Фарғонада замонавий япон таълим мажмуаси ташкил этилади

457 15:40 23.12.2021

Қирғизистонда ҳокимиятни эгаллаб олишга тайёргарликнинг янги тафсилотлари

1628 11:20 01.12.2021

Истанбул сафари таассуротлари: “Фарзандларимга ҳайкалларни ибрат қилиб кўрсатдим...”

3095 18:05 21.11.2021
« Орқага