Бир неча ой аввал марҳум Усмонхон Алимов ҳазратлари бошчилигидаги бир гуруҳ уламолар Андижон вилоятига сафар уюштирган эдилар. Шайх Алижон қори Андижонга ташрифдан мақсад юртимизда Қуръон мактабларини ташкил қилиш режалаштирилаётганини айтган эди.

Бугун шу ташаббуслар натижасида Жиззах вилояти Жиззах шаҳрида янги «Қуръон ва тажвид» ўқув курси очилмоқда. Очилиш маросимида Ўзбекистон халқаро ислом академияси фахрий доктори, Ўзбекистон мусулмонлари идораси Қуръон ва тажвидни ўргатиш бўлими мудири Шайх Алижон қори Файзуллоҳ махдум ўғли иштирок этаётгани маълум қилинди.