Бугун, 1 феврал соат 9:00 да «Умра – 2022» мавсумининг навбатдаги зиёратчилари – Тошкент шаҳри ва Самарқанд вилоятидаги ҳамюртларимиз Тошкент халқаро аэропортидан HY 3303-сонли рейс билан Тошкент-Жидда йўналиши бўйича учиб кетишди, деб хабар қилди Ўзбекистон мусулмонлари идораси матбуот хизмати.

Қайд этилишича, муборак сафарга йўл олган юртдошларимизни мутасадди вакиллар, зиёратчиларнинг яқинлари, ОАВ вакиллари Тошкент халқаро аэропортида кузатиб қўйишган. 

«Зиёратчиларимиз Саудия Арабистонидаги Жидда шаҳрига етиб боргач, у ердан махсус автобусларда Мадина шаҳрига бориб, барча шароитларга эга бўлган меҳмонхонага жойлашадилар. Кейин эса Мадинаи мунавварадаги зиёратларни бошлашади», – дейилади хабарда.

Маълум қилинишича, ушбу рейс 11 февраль куни соат 21:00 да (HY 3310) Тошкентга қайтиб келади.