Пойтахт ИИББ бошлиғи, генерал-майор Азиз Тошпўлатов Тошкентда бўлиб ўтган йиғилишда мактаблардаги бугунги аҳвол ачинарли эканлиги эканлигини айтган.

«Ўқитувчилар мактабда ўқувчиларни назорат қилишлари, ўқув жараёнини ташкил этишлари, ўқувчилар йўқлигида эса келмаслик сабабини билишлари шарт. Асосий эътибор нафақат олий ўқув юртларига қабул қилинган болаларнинг фоизига қаратилиши керак. Асосийси, ўқувчилар билан маънавий-ахлоқий тарбия ишларини олиб боришдан иборат», — деб таъкидлаган у.

Ҳуқуқбузарликлар профилактикаси бошқармаси бошлиғи, полковник Равшан Султонхўжаев ҳам Тошкент шаҳрида мактаб ўқувчилари ва ёшлар ўртасида жиноятчилик кескин ошгани, мактаб ўқувчилари орасидан пичоқлар топилгани, уларнинг мобил телефонларидан порнографик материаллар аниқлангани ҳақида гапирган.

«Ёшлар ўртасида жиноятчиликнинг ортиб бораётгани нохуш анъанага айланди. Ўқувчилар томонидан содир этилган ҳар бир аниқланган ҳуқуқбузарлик бўйича туманлар ИИБнинг вояга етмаганлар билан ишлаш бўйича ҳуқуқбузарликлар профилактикаси бўйича масъул ходимлари ва ходимларининг ҳисоботлари тингланди», — деган Султонхўжаев.

Унинг айтишича, таълим мактаблари ўқувчилари ўртасида жиноят содир этиш ҳолатлари кўпайган.

Шунингдек, мактабларда электрон сигарет чекиш ва снюсдан фойдаланиш тез-тез учрамоқда. Ёшлар ўртасида жиноят содир этиш ҳолатлари кўпаймоқда.

Вояга етмаганлар билан ишлаш бўйича ҳуқуқбузарликлар профилактикаси инспекторлари ва инспектор-психологларнинг 2021 йил 11 ойлик фаолияти якунларига бағишланган йиғилишда А. Тошпўлатов Ўзбекистон таълим муассасаларида мактаб ва олий ўқув юртларида инспектор-психолог – ёшлар ходими каби янги лавозимлар жорий этилишини айтди.

Фарзандлар тарбиясида нафақат мактаб ўқитувчилари, балки уларнинг ота-оналари, ҳуқуқ-тартибот идоралари ходимлари ҳам иштирок этишлари кераклиги айтиб ўтилди.