Янгиликлар

ИИВ: вояга етмаганларнинг масжидга келишига тўсқинлик қилинмайди 

6156

Ўзбекистон Республикаси Ички ишлар вазирлиги ватандошларимизни ва юртимиз меҳмонларини муқаддас Қурбон ҳайити билан муборакбод этади. 

Маълумки, сўнгги йилларда Ўзбекистонда эътиқод эркинлигини таъминлаш масаласига алоҳида эътибор берилмоқда. Республика Ҳукуматининг диний бағрикенгликни ҳар томонлама қўллаб-қувватлашга қаратилган саъй-ҳарактлари мамлакатимизда тинчлик, конфессиялараро тотувлик ва миллатлараро ҳамжиҳатликни мустаҳкамланишида муҳим омил сифатида хизмат қилмоқда. 

Ўзбекистон Республикаси Ички ишлар вазирлиги томонидан ҳам мўмин-мусулмонлар ибодатларини адо этишлари учун барча шарт-шароитлар яратиб берилмоқда. Жумладан, республикамиз ҳудудидаги масжидларда фуқаролар томонидан жамоа намозлари ўқилиши жараёнида хавфсизликни таъминлаш, масжидлар ёнида ва уларга туташ автотураргоҳларда машиналарнинг тартибли ҳаракатланишини ташкил этишда ички ишлар органлари ходимлари ўз ваколатлари доирасида хизмат қилиб келмоқдалар. 

Албатта, дунё миқёсида кузатилаётган коронавирус пандемияси шароитида Ўзбекистонда ҳам бошқа давлатлардаги каби намозларни масжидларда жамоа билан ўқишда чекловлар жорий қилинди. Бу чекловларнинг барчаси вақтинча ўрнатилган бўлиб, мамлакатимизда коронавирус инфекцияси тарқалишининг хавфи камайиши билан уларни босқичма-босқич ечиш кўзда тутилган. 

Жумладан, карантин чоралари бекор қилинганидан сўнг Ўзбекистондаги барча масжидларда фуқароларнинг ҳеч қандай чекловларсиз намозларини жамоа билан адо этишлари учун зарур шарт-шароитлар таъминланади.  

Шу ўринда, Ички ишлар вазирлиги масжидларга вояга етмаган фуқаролар ва болаларнинг ўз ота, ака-ука ва яқин қариндошлари ҳамроҳлигида намоз ўқиш учун эркин келиб-кетишлари мумкинлигини эслатиб, бунга қонунчилигимизда ҳеч қандай тақиқлар мавжуд эмаслигини алоҳида таъкидлайди.  

Вазирлик ватандошларимизнинг дин эркинлиги соҳасидаги ҳуқуқларини ҳимоя қилишда ҳамда ушбу йўналишда бирор бир қонунга зид тўсиқлар ва сунъий чекловлар ўрнатилишига қарши курашишда давом этади. 

Ўзбекистон Республикаси Ички ишлар вазирлиги яна бир бор барча юртдошларимизни муборак Қурбон ҳайити билан табриклаб, хонадонларига тинчлик, хотиржамлик ва файзу-барака тилаб қолади.

ИИВ Ахборот хизмати

УЛАШИНГ:

Теглар:

Мавзуга доир:

Андижонда фуқаронинг қийноқ натижасида вафот этиши ортидан 29 киши жавобгарликка тортилди – ИИВ

1078 12:48 01.07.2020

“Айбдор бўлган шахслар тегишли жазосини олиши керак” – Омбудсман

1261 14:08 15.06.2020

Андижонда ИИБ ходимлари томонидан ўлдирилган фуқаро иши бўйича ИИВ баёнот берди

2920 08:30 15.06.2020

Қозоғистон шаҳарлари орасидаги блок-постлар олиб ташланади 

412 21:30 29.05.2020

Ҳаром ичимлик қотилликка олиб келди

865 11:34 12.05.2020
« Орқага