Telegram каналимизга аъзо бўлинг
Ахлоқ

Имоми Аъзамни масхара қилганнинг ҳоли...

5269

Бир киши Имом Абу Ҳанифа раҳматуллоҳи алайҳнинг ҳузурларига келиб: “Сенинг отанг вафот этган. Онанг эса бева қолган ва уни жуда чиройли деб эшитдим. Сен онангни менга никоҳлаб бер”, деди.

Имом Абу Ҳанифа раҳматуллоҳи алайҳ: “Онам ёш бола эмаслар. Балки балоғатга етган ва жувондирлар. Мен улардан сўраб кўраман. Агар рози бўлсалар, у ҳолда мен қандай инкор қиламан”, дедилар.

У киши: “Ундоқ бўлса, уйга бориб сўраб кўр”, деди.

Имом Абу Ҳанифа раҳматуллоҳи алайҳ уйга кета бошладилар. Аммо У киши Аллоҳ таолонинг хос бандаларидан эдилар. Юриб кетаётиб, бирдан ортларига қарадилар. Ҳалиги шахсни йиқилиб, ўлиб ётган ҳолда кўрдилар ва: “Уни менинг сабрим қатл қилди”, дедилар.

У шахсни мақсади никоҳ қилиш эмас, Имом Абу Ҳанифа раҳматуллоҳи алайҳни масхара қилиш ва устиларидан кулиш эди.

Бу нақадар чексиз сабр ва ҳалимликдир. Бироқ бундай ҳазратлар қанчалик ҳалимлик қилсалар, Аллоҳ таоло шунчалик улар томонидан ўч олади.

Ҳадиси қудсийда Аллоҳ таоло шундай дейди: 

مَنْ عَادَى لِي وَلِيًّا فَقَدْ آذَنْتُهُ بِالْحَرْبِ

“Ким Менинг бирор валийимга душманлик қилса, батаҳқиқ, Мен унга қарши жанг эълон қиламан” (Имом Бухорий ривояти)

Пиёда манзилга етди, аммо туядаги...

Ҳазрати Увайс Қараний ҳикматлари

Аввало, ким бўлишидан қатъий назар ҳеч кимга ёмон муомала қилмаслик лозим. Хоссатан, Аллоҳ таолонинг солиҳ бандалари билан асло бундай муомала қилмаслик лозим.

Ҳеч кимга таъна қилишлик ҳам жоиз бўлмагач, азият беришлик қандай жоиз бўлади.

УЛАШИНГ:

Теглар:

Мавзуга доир:

Бағдоддаги Имоми Аъзамнинг мақбарасини бузиш рад этилди

1535 09:05 14.06.2021

Имом Абу Ҳанифа кўрган саҳобалар

1181 18:55 09.06.2021

“Имоми Аъзам изидан” (14-қисм)

988 03:30 04.05.2021

Имоми Аъзамнинг вафоти

5742 22:00 03.04.2021

Имоми Аъзам Абу Ҳанифанинг ҳаёти ва асосий қарашлари (699-767)

1921 08:00 14.03.2021

Имоми Аъзамнинг ота-боболари термизликми?

4503 21:30 19.02.2021
« Орқага