Telegram каналимизга аъзо бўлинг
Янгиликлар

Имрон Хон Имомали Раҳмоннинг таклифини «Толибон»га етказади

1197

Покистон Бош вазири Имрон Хоннинг айтишича, Тожикистон президенти Имомали Раҳмон билан музокаралардан сўнг, “Толибон” билан Афғонистонда инклюзив ҳукумат тузиш бўйича мулоқотни бошлаган, деб хабар беради Азия Плюс ахборот агентлиги.

Покистон бош вазири ва Тожикистон президенти ўртасидаги учрашув 17 сентябр куни Душанбеда бўлиб ўтган эди. Тожикистон раҳбари матбуот хизмати хабар беришича, томонлар Душанбеда Афғонистон миллий қаршилик фронти ва “Толибон” вакиллари ўртасида музокаралар ташкил этишга келишиб олган.

«Афғонистонга қўшни давлатлар раҳбарлари билан учрашгандан сўнг, айниқса, Тожикистон президенти Имомали Раҳмон билан узоқ давом этган музокаралардан сўнг, мен “Толибон” билан Афғонистонда барча этник гуруҳлар - тожиклар, ҳазоралар, ўзбеклар иштирок этадиган инклюзив ҳукумат тузиш бўйича музокараларни бошладим” деб ёзган Имрон Хон ўзининг твиттерида.

У ўз твитига ёзган изоҳида, “40 йиллик зиддиятдан сўнг, бу инклюзивлик Афғонистонда тинчлик ва барқарорликни таъминлаш билан бирга бутун минтақа манфаатларига мос келади", деб қўшимча қилган.

Музокаралар якунида Тожикистон президенти Имомали Раҳмон Душанбе ва Исломобод Тожикистон пойтахтида “Толибон” ҳаракати ва Афғонистон тожиклари ўртасидаги музокараларни ўтказишга келишиб олганини айтган. Шу нуқтаи назардан, яқин келажакда қўшни мамлакатда тинчлик ва барқарорлик тикланишига умид билдирилиб, бунда Афғонистондаги барча сиёсий ва этник гуруҳларнинг манфаатлари ҳисобга олиниши таъкидланди.

УЛАШИНГ:

Теглар:

Мавзуга доир:

«Афғонистон гуманитар инқироз ёқасида турибди» – Имрон Хон

337 15:50 25.09.2021

Ўзбекистон ва Покистон муносабатлари стратегик шериклик даражасига кўтарилди

1255 08:55 16.07.2021

Покистон Бош вазири Имрон Хон Тошкентга келди

1104 16:00 15.07.2021

Имрон Хон: “Исломофобияни енгиш мумкин, агар...”

1378 12:00 28.04.2021

Шавкат Мирзиёев ва Имрон Хоннинг видеоанжуман шаклидаги учрашуви бўлиб ўтди

1160 10:00 15.04.2021
« Орқага