Telegram каналимизга аъзо бўлинг
Таҳлил

Имтиҳонлар қаршисидаги миллат

1436

Табиий офатлар, техноген фожиалар ҳар бир давлатда ва жамиятда бўлиб туради. Масалан, ҳар йили Франциянинг бир қанча ҳудудларида сув тошқини кузатилади. Кўплаб давлатларда катта ёнғинлар, фожиали зилзилалар бўлиб туради. Бу планетамиз учун нормал ҳол.

Мана, ўтган куни Бухоро вилоятида тўфон кузатилди, юзлаб уйларнинг томлари бузилди. Бугун эса Сирдарёнинг Сардоба туманида сув омборининг бузилиши натижасида, жуда катта техноген фожиа юз берибди. Расмларини кўриб, ларзага тушдим. Жуда кўплаб юртдошларимизнинг уйлари сув остида қолибди, қишлоқ ва чорва хўжаликларига жуда катта талофат етган. 

Мана шундай ҳолатларда миллат, давлат ва халқ бирлашиши, жипслашиши керак. Ҳозир айбдорни излаш – биринчи вазифа эмас. Асосий вазифа – муаммони тезроқ бартараф этиш, одамларга ёрдам бериш, фожиа оқибатларини бартараф этиш. Ҳамма ва ҳар бир одам жабр кўрганларга қўлидан келган ёрдамини бериши керак!

Ўзбекистон жиддий синовлар даврига кириб бормоқда. Ушбу синовларни қанчалик самарали енгиши, давлат ва жамият ўртасида нақадар ишончли муносабатлар шаклланишига, эркинлик, фаровонлик, мустақиллик каби қадриятларимизнинг мустаҳкам бўлишига, ёки қадрсизланишига сабабчи бўлади. Имтиҳонлар даври бошланмоқда. Бу нафақат давлат учун, балки жамият, халқ учун ҳам жиддий имтиҳондир – миллат учун имтиҳонлар давридир.

Камолиддин Раббимов

УЛАШИНГ:

Теглар:

Мавзуга доир:

Бугундан тест синовлари бошланди

424 11:55 08.08.2022

Тест синовлари қачондан бошланиб, неча кун давом этиши айтилди

779 15:50 02.08.2022

Магистратурага қабул учун топширилаётган сертификатларнинг 70 фоизи сохталаштирилган  — Абдуқодир Тошқулов

669 15:20 29.07.2022

Ўқишга кириш учун хотин-қизларга қандай имтиёзлар берилади?

891 16:58 27.06.2022

Диний таълим муассасаларига қабул муддати белгиланди 

1115 19:10 14.06.2022

Кириш имтиҳонларида тўлов ундирилмайдиган абитуриентлар тоифаси кенгайди

816 10:05 24.04.2022
« Орқага