Иорданияда CОВИД-19 инфекциялари сонининг кўпайиши қиролликда БА.5 омикрон штамми вариантининг тез тарқалиши билан боғлиқ. Бу ҳақда Миллий эпидемиология қўмитаси аъзоси Бассам Ҳижовий Аммонга маълум қилди.
Унинг сўзларига кўра, бир кунда коронавирус билан касалланган 2210 нафар фуқаронинг аксариятида омикрон штаммининг янги версияси аниқланган.
"Статистик кўрсаткичлар июн ойининг охиридан бери ёмонлашди, – деди эпидемиолог. – Ва бу Иордания бутун дунё қатори пандемиянинг янги тўлқинига дуч келаётганидан далолат беради".
Ҳижовийнинг таъкидлашича, БА.5 штамми варианти асл омикрондан тўрт баробар тезроқ тарқалади.
"Шунинг учун биз фуқароларга кучайтирувчи дозани олишни қатъий тавсия қиламиз, чунки у инфекциянинг янги вариантидан ҳимоя қилади", – деди у.
