Ливандан икки кечадан бери иқтисодий инқирозга қарши норозлик намойишлари бўлиб ўтмоқда, дея хабар беради Би-би-си.
Пойтахт Байрутда ва мамлакат шимолида жойлашган Триполи шаҳрида намойишчилар полиция ходимларига қарата тош отган, полициялар эса уларга кўздан ёш оқизувчи газ ва резина ўқлар билан жавоб қайтарган. Триполида намойишчилар банклар ва дўконларга ҳужум қилган, аҳоли мамлакатда юзага келган молиявий муаммоларда банкларни ҳам айбламоқда.
Хабарда айтилишича, охирги пайтда Ливан фунтининг қадри кескин тушиб кетган. Ҳукумат миллий валютанинг қадрсизланишини тўхтатиш учун бозорга кўпроқ АҚШ долларини чиқаришга қарор қилган. Бундан ташқари, ҳукумат иқтисодиётни тикшлаш учун Халқаро валюта жамғармасидан пул олиш мақсадида музокаралар ўтказишга тайёрланяпти.
