Ироқда 3 кунлик мотам эълон қилинди

12:15 22.03.2019 1302

Ироқда паромнинг ҳалокатга учраши муносабати билан 3 кунлик мотам эълон қилинди, дея хабар бермоқда “Анадолу” агентлиги. 

Мосул шаҳри яқинида, Дижла дарёсида йўловчиларни олиб кетаётган паромнинг чўкиб кетиши оқибатида 100 киши ҳалок бўлган. Ироқ Фуқаро мудофааси бошқармаси маълумотига кўра, қурбонларнинг аксарияти аёллар ва болалардир. 

Бир неча ўн киши касалхонага ётқизилган. 

Ҳалокатнинг асосий сабаби сифатида паромга белгиланганидан кўп йўловчи олингани айтилмоқда: 50 кишилик паромда 170 киши кетаётган бўлган. 

Azon.uz янгиликларини Telegram'да ҳам кузатиб боринг!