Ироқликлар Баҳрайндан норози бўлди

23:00 28.06.2019 570

Баҳрайннинг Бағдоддаги элчихонаси олдида норозилик намойиши ўтказилиши ортидан Баҳрайн Ироқдаги элчисини маслаҳатлашиш учун чақиришга қарор қилди. Бу ҳақда Reuters хабар бермоқда.

Исроил – Фаластин масаласига бағишлаб Баҳрайн пойтахти Манамада ўтказилган йиғилишдан норози бўлган икки юздан зиёд киши пайшанба куни Баҳрайнинг Бағдоддаги элчихонаси олдида йиғилди. Улар элчихонадаги Баҳрайн байроғини туширган. 

Ироқ полицияси намойишчиларни тарқатиб юборган. Ўнлаб намойишчи қўлга олинган. 

Эслатиб ўтамиз, АҚШ томонидан Исроил – Фаластин муаммосини ҳал қилиш қилиш учун ишлаб чиқилган ва “Аср келишуви” деб номланган режанинг молиявий қисмини таништириш учун Баҳрайнда семинар ўтказилди. Унда Миср, Иордания, Марокаш, БАА, Кувайт ва Саудия Арабистони вакиллари қатнашди. Ироқ ва Ливан эса қатнашишни истамади.

Azon.uz янгиликларини Telegram'да ҳам кузатиб боринг!