Ислом оламида мавжуд бўлган гигиена маданияти

08:00 14.06.2019 904

Ўрта асрлар Европада ҳам ҳам руҳан ҳам жисмонан кир, жирканч ва ифлос даврларни яшаган. 10-асрда Ислом оламида мавжуд бўлган гигиена маданияти ва ювиниш хоналари бугунги кунги талаблар билан бемалол беллашиши мумкин.

Поклик Исломда жуда муҳим, таҳорат намоз ибодатининг шартларидан ҳисобланади. 13-асрда Ал-Жазарий номи билан машҳур бўлган механик инженер "Ажойиб механик жиҳозлар илми" номли китобида таҳорат машинасининг лойиҳасини кўрсатиб берган. Ушбу товус қушига ўхшаган машинанинг тугмаси босилгандан ундан таҳорат қилиш учун етарли даражада саккиз ҳовуч сув тушган. Баъзи машиналар ҳатто сочиқ ҳам берган (расмда).

 

Мусулмонлар зайтун ёғи ва ал-қали (тузга ўхшаш модда)ни аралаштириб совун ясашган. Қўлёзмаларга кўра, бу қоришма қайнатилиб тайёрланган бўлиб, ҳаммом ва ювиниш хоналарига тарқатилган.

Аллоҳ гўзалдир, гўзалликни яхши кўради. (ҳадис)

Саид Комил Холхўжаев

Azon.uz янгиликларини Telegram'да ҳам кузатиб боринг!