Исроил ҳарбийлари фаластинлик талабаларга резина ўқ отди

09:43 10.09.2019 458

Ғарбий соҳилнинг Ромаллоҳ ва Бийра шаҳарларида фаластинлик ўнлаб талаба ва Исроил қўшини орасида тўқнашув юз берди. Бу ҳақда «Анадолу» хабар тарқатди.

Университет талабалари мазкур шаҳарларда Исроил қамоқхоналаридан бирида шаҳид бўлган 47 ёшли Бассом Сойиҳ ўлими билан боғлиқ ҳолатга норозилик билдириб, намойиш ташкил қилган. Исроил ҳарбийлари эса намойишни тарқатиш мақсадида талабаларга қарата резина ўқ ва заҳарли газ билан тўйинтирилган бомбалар отган.

Талабалар ҳарбийларга тошлар билан қаршилик кўрсатган.

Azon.uz янгиликларини Telegram'да ҳам кузатиб боринг!