Telegram каналимизга аъзо бўлинг
Янгиликлар

Исроиллик депутат Масжидул Ақсода провокация содир этди

1120

Фаластинликларга қарши провокацион ҳаракатлари билан танилган исроиллик ўта ўнгчи депутат Итамар Бен-Гвир Исроил полицияси ҳамроҳлигида босиб олинган Шарқий Қуддусдаги исломий зиёратгоҳ – ал-Ақсо масжиди ҳудудига кириб келди. 

Онадўли ахборот агентлигига интервью берган гувоҳлар Бен-Гвир масжид ҳудудига ғарбий дарвоза орқали кирганини маълум қилди.

Қолаверса, ўнлаб ақидапараст яҳудийлар яна Ислом зиёратгоҳига қарши фитна уюштиришди. 

Гувоҳларнинг сўзларига кўра, ал-Ақсо масжиди эшиги олдида кутиб турган Исроил полицияси мусулмонларни зиёратгоҳга киритмаган. 

Қайд этилишича, Исроил полицияси пешин намозидан олдин мусулмонларнинг масжидга кириши тақиқлангани ҳақида ҳеч қандай баёнот бермаган. 

Қуддусдаги ал-Ақсо масжиди мусулмонларнинг биринчи қибласи ҳисобланади. 

1994 йил 26 октабрда Исроил ва Иордания ўртасида имзоланган тинчлик шартномасига кўра, ал-Ақсо масжиди Иорданиянинг Авқоф, Ислом ва Муқаддас жойлар вазирлиги таркибига кирувчи Қуддус исломий жамғармалари ҳомийлигидадир. 

Бироқ, 2003 йилдан бери яҳудийлар Исроилнинг бир томонлама қарорисиз, полиция ҳамроҳлигида зиёратгоҳга кириб келган.

УЛАШИНГ:

Теглар:

Мавзуга доир:

Қозоғистонлик депутатлар: "Россиянинг ўзи «сирпанчиқ» йўлда" 

90 15:55 01.10.2022

Мубашшир Аҳмад: «Ҳаж — фарзи айндир»

110 15:15 01.10.2022

«У кишининг хулқлари Қуръон эди...»

216 11:25 01.10.2022

Украинага 12 миллиард долларлик ёрдам берилади

270 10:40 01.10.2022

Қозоғистон: тунги клубда муштлашган маст россияликларни полиция қўлга олди

445 10:20 01.10.2022

Украина ҳудудларининг аннексияси: сабаблар ва оқибатлар

510 09:55 01.10.2022
« Орқага