Исроилликлар ҳарбийлар ҳимоясида Ғарбий соҳилда «Исроил»нинг ташкил этилишини нишонлашяпти

17:20 09.05.2019 636

Исроил қўшини Ғарбий соҳилдаги бир қанча ҳудудларни Исроилнинг ташкил қилинишининг 71 йиллигини нишонлаётган яҳудийларни «хавфсизлигини» таъминлаш мақсадида ёпиб қўйди. Бу ҳақда «Анадолу» хабар берди.

Гувоҳларнинг «Анадолу»га берган маълумотларига кўра, Исроил ҳарбийлари Ромаллоҳдаги бош кўчани ёпиб қўйишган. Шунингдек, Набий Солиҳ, Обуд, Умму Софа қишлоқларида кўплаб ҳарбийлар яҳудийларнинг байрамларни хотиржам нишонлашлари учун кезиб юрмоқда ва фаластинликларнинг мазкур ерлардаги ҳаракати таъқиқ қўйилган.

Бундан ташқари Исроил ҳарбийлари Нобилис шаҳридаги “Масъудийя қадимий боғи, Нобилис ва Жанин шаҳарлари орасидаги йўл кабиларни яҳудийлар байрамларини бемалол нишонлашлари учун ёпиб қўйган.

Яҳудийлар ҳар йили май ойида Исроилнинг ташкил этилишини кенг миқёсда нишонлаб келадилар.

 

Azon.uz янгиликларини Telegram'да ҳам кузатиб боринг!