Telegram каналимизга аъзо бўлинг
Янгиликлар

Истанбул. Бош консуллигимиз фуқароларимизни огоҳлантирмоқда

13401

Ўзбекистон Республикасининг Истанбул шаҳридаги Бош консуллиги фуқароларни фирибгарлардан огоҳ бўлишга чақирди. 

“Сўнгги вақтларда Ўзбекистон ва Туркия ўртасида авиа-парвозлар сони ортганлигига қарамай, Россия-Украина муносабатлари кескинлашгани, Туркияга сайёҳлар оқимини ошганлиги сабабли авиа-чипта нархларининг кўтарилиши кузатилмоқда”, дейилади Бош консулликнинг расмий телеграм каналидаги хабарда.  

Айтилишича, айрим нопок кимсалар юқоридаги вазиятдан фойдаланиб, ижтимоий тармоқлар орқали чартер рейслар ташкил этилаётгани ҳақида эълон тарқатишяпти ва арзон нархда чипта борлигини айтиб, фирибгарлик йўли билан одамларнинг пулларини ўзлаштиришга интилмоқда.

“Турли хилдаги Telegram, Watsap, Instagramдаги рекламаларга ишониб, сохта билетлар сотиб олаётган фуқаролар кўплаб учраб турганлигини билдириб ўтамиз.   

Бош консулхона сизлардан бу каби алдовларга учмасликни, авиачипталарни Ўзбекистон ва Туркия ҳаво йўлларининг офислари, уларнинг расмий интернет сайтлари ёки бошқа қонуний рўйхатдан ўтган фирмалар орқали сотиб олишни тавсия этади.  

Шунингдек, ноқонуний хатти-ҳаракатлар олиб бораётган шахслар тўғрисида Бош консулхонага маълумот бериш орқали бошқа ватандошларимизнинг ҳам фирибгарлик қурбони бўлишидан сақлашга ўз ҳиссангизни қўшинг!   

Алдов ва фирибгарликни ўзига касб қилиб олган фуқароларга тез орада қонун олдида жавоб бериш муқаррар эканлигини эслатиб ўтамиз.   

Зеро халқимизда “Қинғир ишнинг қийиғи қирқ йилда ҳам чиқади”, “Бировнинг ҳақи бошқа бировга буюрмайди” деган нақллар бежиз айтилмаган” дейилади хабарда.

Вазиятга ойдинлик киритиш мақсадида Бош консулхонаси биринчи котиби Шерзод Абдуназаровга мурожаат қилдик:

“Охирги пайтда бунақа шикоятлар кўпайиб кетди. Кечанинг ўзида икки нафар юртдошимиз алданиб қолганини айтиб ёрдам сўради. Сал аввалроқ бир ҳомиладор аёлни бир фирибгар алдаб кетибди. Уни топиб, қилган ишига изоҳ сўрадик. “Пулини қайтариб бераман”, деб пайсалга солиб юрибди. У аёлга бошқа томондан ёрдам бердик. Ҳозир маҳаллий полисга мурожаат қилдик. Қолаверса, бу бўйича расмий нота ҳам тайёрламоқдамиз”, дея жавоб қайтади у.

Дарҳақиқат, озгина ҳушёр ва огоҳ бўлмасангиз, фирибгар ва ҳаромдан ҳазар қилмайдиганларнинг тегирмони тўхтамайди. Умид қиламизки, нопок кимсаларга ҳуқуқни муҳофаза қилиш органлари ходимлари тегишли чора кўради.

Аҳмад Али

Azon.uz мухбири

УЛАШИНГ:

Теглар:

Мавзуга доир:

Абу Ҳомид Ғаззолий: Ғаззолий яшаган даврга бир назар

39 13:55 02.07.2022

Туркия “Америка овози”ни ўчириб қўйди

240 13:40 02.07.2022

Эронда зилзила содир бўлди

98 13:20 02.07.2022

Мубашшир Аҳмад:  "Фитна тегирмонига сув қуймаслик керак!"

284 12:55 02.07.2022

Қорақалпоғистондан расмий баёнот

896 12:34 02.07.2022

“16 миллион украиналик гуманитар ёрдамга муҳтож” – БМТ координатори

91 12:20 02.07.2022
« Орқага