Россия Беларусда тактик ядро қуролини жойлаштирган тақдирда Европа Иттифоқи янги санкциялар жорий этишга тайёр.
Бу ҳақда якшанба куни Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррель маълум қилди.
“Беларус ҳали ҳам бу ишни тўхтата олади, бу уларнинг танлови. Европа Иттифоқи кейинги санкциялар билан жавоб беришга тайёр”, деб ёзди у твиттерда.
Боррель, шунингдек, Беларус томонидан Россия ядро қуролини жойлаштиришни “эскалация ва Европа хавфсизлигига таҳдид” деб атади.
Эслатиб ўтамиз, аввалроқ Россия президенти Владимир Путин Россия Федерацияси Беларус томонининг илтимосига кўра, ўзининг тактик ядро қуролини АҚШ узоқ вақтдан бери ўз иттифоқчилари ҳудудида сақлаганидек, Беларус ҳудудида жойлаштиришини маълум қилганди.
