Канада масжидларида очиқ эшиклар куни ўтказилди

22:30 18.02.2019 413

Канаданинг Британия Колумбияси провинциясида ғайримусулмонларга Ислом ҳақида маълумот бериш мақсадида Очиқ масжид куни ўтказилди. Бу ҳақда Victoria News нашри хабар бермоқда.

Провинция маркази Викториядаги “Ал-имон” масжидига бир кунда мингга яқин киши келиб, Ислом дини ҳақида маълумотлар олди, масжид билан танишди, аёллар рўмол ўраб кўрди.

Масжид имоми Исмоил Муҳаммад Нурнинг айтишича, очиқ эшиклар кунида Исломнинг турли жиҳатлари бўйича қизиқарли суҳбатлар бўлиб ўтди.

“Менимча, одамлар бошқа маданиятни, бошқа динни тушунмагани учун ирқчига айланади. Қўрқув мутаассибликни келтириб чиқаради, қўрқувни енгишнинг энг маъқул йўли – таълим бериш. Биз ана шунга ҳаракат қиляпмиз”, – дейди у.

Azon.uz янгиликларини Telegram'да ҳам кузатиб боринг!