Россиянинг Албаниядаги элчихонаси дипломати Алексей Кривошеев коронавируснинг олдини олиш учун жорий этилган қоидаларга риоя қилмагани учун пайшанба куни персона нон грата – исталмаган шахс деб эълон қилинди.
Associated Press агентлигининг хабар беришича, дипломатга Албанияни тарк этиши учун 72 соат муҳлат берилган.
Албания Ташқи ишлар вазирилиги Алексей Кривошеев ўтган йилнинг апрелидан берин карантин қоидаларига амал қилмай келаётганини маълум қилди. Вазирлик ушбу ҳолатни Россия элчисига билдирган, бироқ дипломат қоидаларни бузишни давом эттираверган. Вазирлик қоидабузарликка ортиқ тоқат қилиб бўлмаслигини таъкидлади.
Россиялик дипломат айнан қайси қоидаларни бузгани ва унинг лавозими ҳақида Албания Ташқи ишлар вазирлиги маълумот бермади.
Айни пайтда вазирлик Алексей Кривошеев борасида қабул қилинган қарорни Москвада тушуниш билан қабул қилинишига умид билдирган.
