Иймон

Ким аср намозини тарк қилса...

1793

Пайғамбаримиз алайҳиссалом: "Ким аср намозини тарк қилса, амали ҳабата бўлибди", деб айтдилар. Имом Бухорий

Аср намозинигина тарк қилганнинг амали ҳабата бўлса, буткул ўқимайдиганнинг амалларига нима бўлар экин?! Намоз борасида яна айтадиларки, намоз ўқимайдиган кимса шайтондан ҳам золимроқдир. Чунки шайтон Одамга сажда қил, деган буйруққа итоат қилмай лаънатланди. Бенамоз эса кунига беш маҳал Одамга эмас, Менга сажда қил, деган буйруғига осий бўлади. 

Саҳиҳ бўлиб ворид бўлган ҳадисларда мусулмон билан кофирнинг ўртасидаги фарқ намоз экани айтилган. Яна бошқа ҳадисларда қиёмат куни банданинг илк сўроқ-саволи намозидан бошланиши айтилган. Ким шу сўроқдан муваффақиятли ўта олса, зафар қозониши, ўта олмаса, жаҳаннам аҳлидан бўлиши айтилган. Маъун сурасида хаёл паришонлик билан намозўқувчиларга вайл бўлсин, деган Аллоҳ субҳанаҳу ва таоло. Вайл, тоғни ҳам эритиб юборадиган ўтли водий экани айтилган. Бу намозида ҳаёл паришонлик қилганнинг жазоси бўлса, умуман ўқимайдиганнинг жазоси ҳақида нима дейиш мумкин?! 

Эй, намоз ўқимайдиган инсон! Билиб қўйинг, сизни яратилишингиздан кўзланган ягона мақсад, Парвардигорга ибодат қилишингиздир. "Инсонлар ва жинларни фақатгина менга ибодат қилишлари учун яратдим"  (Зарият, 56-оят).

Атрофга боқинг, наҳотки ҳаёт ҳазил бўлиб кўринаётган бўлса сизга! Ҳар куни ёш ё қари, соғлом ё бетоб, хуллас, ҳар турли инсонлар ўлмоқда. Ҳеч ким абадий қолмаётгани нахотки сизни ўйлантирмаса! Ҳақиқат шуки, сизга ҳам қайсидир сана сўнгги куни деб ёзилгани аниқ. Афсус, сизга берилган фурсат шу қадар тез ўтмоқдаки, аммо сиз ғафлатдасиз. Қиёмат куни Аллоҳдан нимани умид қилмоқдасиз?!

Маъмур Мухтор

УЛАШИНГ:

Теглар:

Мавзуга доир:

“Аё София”даги икона ва фрескалар намоз пайтида ёпиб қўйилади

564 12:02 14.07.2020

Намоз тарк этиб бўлмас ибодатдир

993 16:00 04.07.2020

Қозоғистонда коронавирус сабабли жаноза намози ўқилиши тартибига ўзгариш киритилди

909 20:21 03.07.2020

Нaмозни қaсддaн тaрк этиш. «Гуноҳи кабиралар» кўрсатувининг 4-сони

666 18:33 03.07.2020

Туркия масжидларида энди беш вақт намоз ўқиш мумкин

682 10:00 24.06.2020

Ҳаж ва Умра савобига эришмоқчимисиз? 

1366 21:00 23.06.2020
« Орқага