Бу ҳақда Россия Федерацияси Ички ишлар вазири Владимир Колоколцев бугун Ички ишлар вазирлигининг кенгайтирилган йиғилишида маълум қилди.
Унинг айтишича, чет эл фуқароларининг айрим тоифалари, шу жумладан Украинанинг Донецк ва Луганск вилоятлари аҳолиси учун, гуманитар мақсадларда Россия фуқаролигини олиш тартиби соддалаштирилган.
Шунингдек, чет эллик малакали мутахассислар учун ҳам енгиллик берилди, хусусан, касбий фаолиятнинг минимал муддати қисқартирилди.
«Ўтган йили кўрилган чоралар натижасида деярли ярим миллион киши Россия фуқаролигини олди. Бу охирги 10 йил ичидаги ўртача кўрсаткичдан икки ярим баравар кўп», - деди Колоколцев.
