Кобулдаги портлашда таниқли имом ҳалок бўлди

18:20 24.05.2019 1480

Афғонистон пойтахти Кобулдаги “Тақво” масжидида жума намози пайтида юз берган портлаш натижасида таниқли имом Мавлавий Самиуллоҳ Райҳон ҳалок бўлди. Бу ҳақда Al Jazeera хабар бермоқда.

Шунингдек, портлашда 16 киши яраланган. Полиция вакили Жон Оғанинг айтишича, порловчи қурилма имом ишлатган микрофонга ўрнатилган бўлган.

Мазкур портлашни ҳозирча ҳеч бир гуруҳ зиммасига олгани йўқ.

Афғонистон президенти Ашраф Ғани “Тақво” масжидидаги портлашни теракт деб атади.

Azon.uz янгиликларини Telegram'да ҳам кузатиб боринг!