Янгиликлар

Коронавирус борлиги гумонланган кема йўловчиларига қирғоққа тушишга рухсат берилди

517

АҚШнинг Камбоджадаги элчихонаси  берган хабарларга кўра, коронавирус хавфи сабабли Япония, Филиппин, Тайван, Таиланд ва Гуам портларига кириши рад этилган Westerdam круиз лайнери йўловчилари Камбожанинг Сиануквиль портида қабул қилина бошландилар.

Westerdam 1 февралда бортида 1455 йўловчи ва 802 ходим билан бирга Ҳонгконгдан йўлга чиққан. Бироқ уни бортида коронавирусга чалинганлар бўлиши мумкинлиги хавотирида бир қатор давлатлар қабул қилишдан бош тортганди.

Шундан кейин тутқунликда қолган йўловчиларни Камбоджа қабул қилишга тайёрлигини билдирганди.

Кемадаги коронавирусга текширилган 20 кишининг барчаси соғломлиги аниқлангач, йўловчиларга Сиануквилда тушишга рухсат берилган.  

“Лайнердан илк йўловчилар тушди ва уйига йўл олди! Биз уларни ерга оёқ босганларида қутлашдан хурсандмиз. Биз Камбоджа ҳукуматидан миннатдормиз”, дейилган элчихона хабарида.  

Пастда йўловчиларни шахсан Камбоджа бош вазири Хун Сен кутиб олган. Круиз лайнери эгаси Holland America Line компанияси яқин кунларда барча йўловчиларни Камбоджа пойтахти Пномпенга етказишга ваъда берган. Бу ердан 14 февралдан бошлаб йўловчиларни юртларига чартер рейсларда жўнатиш бошланади.

Айни вақтда бошқа бир кема - бортида 3,7 минг киши бўлган Diamond Princess лайнери Йокогама портида карантинда турибди. Охирги маълумотларга кўра, кемада вирус аниқланган кишилар сони 219 нафарга етган. Йўловчилар вирусни кемадан Ҳонгконгда тушиб қолган кекса эркакдан юқтириб олишган.

УЛАШИНГ:

Теглар:

Мавзуга доир:

COVID19'да қон босимининг ошиши

595 11:30 03.08.2020

Ўзбекистонда коронавирусга чалинганлар сони 25 мингдан ошди

510 14:30 02.08.2020

Қозоғистонликлар президентга ниқоб тақишни тўхтатиш тўғрисида петиция ёзишди

458 17:30 01.08.2020

Коронавирус пандемияси даврида ҳаж (фотожамланма) 

828 16:00 01.08.2020

Туркияда карантин чоралари яна кескинлаштирилади

914 15:30 01.08.2020

Коронавирусда осма укол олиш зарарлими? — мутахассис фикри

525 11:30 01.08.2020
« Орқага