Янгиликлар

Кўчада намоз ўқиганлар баҳс марказида қолиб кетди

2989

Москва мусулмонлари диний бошқармаси мусулмонларни бошқаларнинг салбий реакциясини олдини олиш учун беш вақт намоз ўқиладиган жойни танлашда мулоҳаза билан ёндошишга чақирди.

Ушбу баёнотнинг сабаби "Деливери клаб" ва "Яндекс.Еда" курьерларининг  Новогирееводаги "Макдоналдс" ортидаги ялангликда намоз ўқигани бўлди.

Кўчада ибодат қилаётган мусулмонларнинг тасвири жамиятдаги одамларнинг икки лагерга бўлинишига сабаб бўлди. Баъзилар мусулмонлар масжидда ёки уйда ибодат қилишлари ва "одамларни қўрқитмасликлари" кераклигини таъкидлайди. Қарама-қарши нуқтаи назарни қўллаб-қувватловчилар ҳеч кимни безовта қилмасдан яланг жойда ибодат қилаётганлари учун мусулмонларни айбламайдилар.

"Москва 24" хабарига кўра, баъзи норози фуқаролар ҳатто полиция чақиришган. Бироқ ҳужжатларни текширгандан сўнг, ҳужжатлари жойида бўлган намозхонларга ҳеч қандай айб қўйилмаган.

Москва мусулмонлари диний бошқармаси раисининг ўринбосари Марат Алимов бўлган воқеани пойтахт ҳудудида масжидларнинг етишмаслиги билан изоҳлади. Унинг сўзларига кўра, пойтахтдаги икки миллион мусулмон учун атиги тўртта масжид бор ва одамлар ибодат қилишлари учун жой  керак. Шу билан бирга, ёшлар билан намозни  ҳар қаерда ўқимаслик ҳақида маърифий суҳбатлар олиб борилмоқда.

Алимов шунингдек, мусулмонлар Москва аҳолисининг анчагина қисмини ташкил этиши ва турли миллат ва динларнинг вакиллари билан ёнма-ён жанг қилиб, Иккинчи Жаҳон уруши ғалабасига катта ҳисса қўшганликларини таъкидладилар.

"Москвада нафақат руслар яшайди. Ғалабанинг 75 йиллиги яқинлашишига бизнинг мусулмон боболаримиз ҳам ҳисса қўшишган", деб қўшимча қилди Москва муфтийининг ўринбосари.

 

УЛАШИНГ:

Теглар:

Мавзуга доир:

Тоғли Қорабоғ можароси: Боку ЕХҲТ Минск гуруҳи фаолиятидан норози

396 17:20 30.09.2020

Тарихда бугун: Россия Сурияда ҳарбий операция бошлади

415 13:35 30.09.2020

Россиядан Арманистонга кўплаб ҳарбий самолётлар келмоқда

2745 12:50 29.09.2020

Россия ва Хитойдан вакцина сотиб олинади

673 19:40 25.09.2020

Россиялик дипломатлар яна жосусликда айбланиб Болгариядан ҳайдалди

339 10:55 25.09.2020

Россиядаги юртдошларимиз махсус автобусларда Ўзбекистонга олиб келинади

318 10:40 24.09.2020
« Орқага