Янгиликлар

Лагерлардаги уйғурлар “битирувчи” бўлди

2332

Шарқий Туркистон (Шинжон) губернатори Шуҳрат Зокир “касбий таълим марказлари”дагиларнинг аксари битирувчи бўлиб уйларига қайтганини ва “бахтли яшаётганини” маълум қилди.

 “Евроньюс” хабарида айтилишича, Пекиндаги матбуот анжуманида Шуҳрат Зокир АҚШнинг Шарқий Туркистон бўйича позициясини танқид қилган.

“Шинжонда турли этник гуруҳларга мансуб кишиларнинг ҳаётига террор таҳдид қилган пайтда АҚШ сукут сақлаган эди, – деди у. – Ҳозир Шинжон тинмай ривожланяпти, барча этник гуруҳлар тинч-тотув яшаяпти ва ишлаяпти. АҚШ хавотирда, шунинг учун Шинжонга қарши қоралаш кампаниясини бошлади. Бироқ ҳеч қандай куч Шинжонни барқарорлик ва ривожланиш йўлидан тўхтата олмайди”.

Шунингдек, у АҚШ Вакиллар палатасида Пекиннинг уйғурларга нисбатан сиёсати қораланганини Хитойнинг ички ишларига аралашиш деб баҳолади. 

БМТ ва бир қатор инсон ҳуқуқлари ташкилотлари Хитой тахминан 1-3 миллион уйғур ва бошқа мусулонларни лагерларда мажбуран ушлаб турганини айтиб келади. Бироқ Шуҳрат Зокир бу рақам ҳақиқатга тўғри келмаслигини иддао қилди.

УЛАШИНГ:

Теглар:

Мавзуга доир:

Немислар ҳам уйғурларга бўлаётган зулмдан норози

2283 08:45 04.02.2020

“Уйғурлар миллий буюмларидан ҳам маҳрум этиляпти”

2154 15:41 16.01.2020

Хитойга бойкот эълон қилган боксчининг камари олиб қўйилмади

1701 16:20 11.01.2020

БМТнинг махсус маърузачиси Шинжонга бормоқчи

1371 19:30 06.03.2019

Ғарб давлатлари элчилари Шинжонга бормоқчи

1043 08:00 16.11.2018
« Орқага