Telegram каналимизга аъзо бўлинг
Янгиликлар

Литва Хитой смартфонларига «уруш» очди

1833

Литва Мудофаа вазирлиги Хитой смартфонларини сотиб олмасликка, шунингдек, ишлатилганлардан воз кечишга чақирмоқда. Давлат хизматчиларининг бошқа танлови ҳам бўлмаслиги мумкин. Вазирлик Хитой ишлаб чиқарувчиларининг сўнгги авлод флагманларини ўрганиб чиққан ва уларнинг баъзилари маълумотларни тўплаши ҳамда серверга узатишини аниқлади.

Смартфонлар фойдаланувчилар қайси сўзларни қидираётганини кузатиб боради. Агар биз Пекин учун нозик бўлган мавзулар ҳақида гапирадиган бўлсак, сигнал жўнатилади ва телефон қидирув натижаларини ўчириб қўйиши мумкин.
Арвидас Анушаускас, Литва Мудофаа вазири:

“Маълум бўлишича, телефон хитой тилидаги калит сўзларни кузатиб туради, бу иловани ўчириб қўйиш ёки тўхтатиш мумкин эмас. Бундан ташқари, у масофадан ишга туширилиши мумкин. Ҳеч ким “қора рўйхат”га кирган “Тибет”, “Тайван” ёки “демократия” сўзларининг бошқа тиллардаги вариантлари қўшилмайди, деб кафолат бера олмайди”.

Бироқ ҳозирча бу функция Европа минтақаси учун ўчириб қўйилган ва нодавлат экспертлар расмийларнинг бундай қаттиқ муносабатини тасдиқламайди. Уларнинг фикрига кўра, барча замонавий смартфонлар ҳам корпорациялар, ҳокимият ва тажовузкорларга осонликча кира оладиган маълумотларни тўплайди.

Дариус Повилаитис, киберхавфсизлик бўйича мутахассис:

«Мен ҳеч қандай даҳшатли, айниқса таҳдидли нарсани кўрмаяпман. Бу тахминлар, гипотезалар ва жуда кам фактлар. Иккинчидан, бундай таҳдидлар бошқа кўплаб иловаларда ҳам мавжуд».

Бу Хитой ишлаб чиқарувчилари цензура ва жосусликда айбланган биринчи ҳолат эмас, шу жумладан Литванинг ўзида ҳам. Август ойида Вилнюсда Тайваннинг дипломатик ваколатхонасини очиш тўғрисида қарор қабул қилингандан сўнг икки томонлама муносабатлар ҳам кескин ёмонлашган эди.

УЛАШИНГ:

Теглар:

Мавзуга доир:

Болтиқбўйи давлатлари Қўшма Штатлардан ҳаво мудофаа тизимини яратишни сўрамоқда

728 15:15 18.03.2022

Миграция инқирози: Польша Белоруссиядан девор билан чегараланмоқда

609 12:21 26.01.2022

Литва ва Латвия Украинани Stinger ракета комплекслари билан таъминлайди

841 18:15 24.01.2022

Литва ироқлик муҳожирларни юртига қайтаришни бошлади

627 09:35 04.01.2022

Собиқ Совет Иттифоқи: Тожикистон аҳоли кўпайиши бўйича биринчи ўринда

3422 13:05 03.01.2022

Десантчилар ва муҳожирнинг ўлими: Польша-Беларус чегарасидаги инқироз

1442 10:05 14.11.2021
« Орқага