Telegram каналимизга аъзо бўлинг
Масжидлар

Ливаннинг беш ажойиб масжиди

692

Ливанда маънавият ва меъморчилик бирлашадиган ажойиб диний жойлар мавжуд. Мақолада мамлакатнинг турли ҳудудларида сизни бефарқ қолдирмайдиган бешта масжид ҳақида сўз боради.

Байрутдаги Ал-Умарий масжиди

637 йилдан 1197 йилгача бўлган кўплаб босқинлардан азият чеккан бу масжид мамлуклар 1291 йилда Сурия қирғоқларини ўз мулкларига қўшиб олиб, ниҳоят уни исломга қайтармагунча икки марта черковга айлантирилган. Ушбу масжиднинг қурилган санаси ҳақида кўп баҳс-мунозаралар мавжуд: баъзи мутахассислар бу дастлаб бутпарастлар ибодатхонаси харобалари устига қурилган римликлар черкови бўлганини даъво қилишса, бошқалари кираверишдаги лавҳадаги ёзувга кўра, бу жой Рим ҳарбий кенгашининг қароргоҳи бўлганлигини айтишади.

Триполидаги Мансурий жоме масжиди

Мамлуклар томонидан қурилган Мансурий масжиди Триполидаги энг маҳобатли масжиддир. У Ал-Мансур номи билан машҳур Қалавун султони шарафига номланган. Масжидда «Пайғамбарлик изи» хонаси жойлашган бўлиб, унда ёдгорлик – Пайғамбаримиз Муҳаммад соллаллоҳу алайҳи васалламнинг муборак соқолларидан бир тук сақланади. Ёдгорлик 1890 йилда Усмонли султони Абдулҳамид II томонидан Триполига олтин қутида совға қилинган.

Библосдаги Султон Абдулмажид масжиди

Исломий фатҳлардан кейин минтақада кўплаб масжидлар қурилган, аммо улар салибчилар томонидан вайрон қилинган. Салоҳиддин Айюбийнинг ғалабасидан кейин бу масжидларнинг бир қисми қайта тикланган. Султон Абдулмажиднинг тарихий масжиди Султон Айюб даврида 650 йилларга оид қадимий мусулмон иншооти харобалари устига қурилган. Ўшандан бери у бир неча бор қайта тикланган.

Сайда шаҳридаги Ал-Умарий масжиди

Ал-Умарий масжиди Сайдадаги энг қадимги масжиддир. Даҳр Ал Мир туманида жойлашган бу бино одамлар қуёшга сиғинадиган бутпарастлар ибодатхонаси ўрнида қурилган, деб айтилади. Бундан ташқари, Сайданинг ҳар бир фотиҳи маъбадни ўзига хос диний бинога айлантиргани маълум. Сайда мусулмонлар томонидан фатҳ этилгандан кейин маъбад масжидга айлантирилган. 1190 йилларда салибчилар Сайда шаҳрига кирганларида, у зали, ибодатхонаси ва отхоналари бўлган ҳарбий қалъага айлантирилган, аммо мусулмонлар уни қайтариб олишлари билан яна масжидга айланди.

Баалбакдаги Ал-Қалаа масжиди

Айюбийлар даврида масжид икки Рим Баалбак ибодатхонаси мажмуасини ўзгартирган. Ал-Қалаа Иброҳим Халилуллоҳ (алайҳиссалом) масжиди сифатида ҳам танилган. Бахуса  ибодатхонасининг ғарбий қисмида жойлашган масжид дизайни Византия меъморчилигидан илҳомланилган дейилади.

УЛАШИНГ:

Теглар:

Мавзуга доир:

Ким Байтуллоҳга кирса, яхшиликларга кирибди...

85 11:56 18.08.2022

БМТ Мьянма ҳарбий маъмуриятини репрессияларни тўхтатишга чақирди 

59 11:40 18.08.2022

Мексика “журналистхўр” мамлакатга айланиб қолди

102 11:10 18.08.2022

Шанхай ҳамкорлик ташкилотига аъзо давлатлар Ички ишлар ва жамоат хавфсизлиги вазирларининг тўртинчи йиғилиши бошланди

68 10:46 18.08.2022

Эрондаги тошқинлар оқибатида 100 дан ортиқ киши ҳалок бўлди

80 10:40 18.08.2022

Европарламент Грециядаги сиёсатчиларнинг телефонлари тингланганидан норози

87 10:20 18.08.2022
« Орқага