Англия пойтахти Лондоннинг энг кўп ташриф буюрадиган музейларидан бири Виктория ва Албертда оммавий ифторлик ўтказилди.
“Рамазон чодири лойиҳаси” томонидан мамлакатда анъанага айлантирилган “Очиқ ифторлик дастурхони” тадбирлари доирасидаги дастурга 400 нафардан ортиқ киши ташриф буюрди.
Онадўли билан суҳбатлашган “Рамазон чодири лойиҳаси” асосчиси Умар Салҳа бу йил лойиҳанинг 10 йиллиги эканлигини айтди.
ф
Умар Салҳа Англиянинг яна 10 та турли шаҳрида Рамазон ойида ифторлик тадбирлари уюштиражакларини, Лондон, Бирмингем, Манчестер ва Кембриж ҳам бу шаҳарлар орасида эканини айтди.
Бу йил биринчи марта машҳур Шекспирнинг Globus театри, Челси футбол жамоасининг Stamford Bridge ва Брайтон энд Хоув Альбион футбол клубининг American Express Community Stadium ўйингоҳларида бўлиб ўтади. Энг катта ифторлик дастурхони эса Лондоннинг машҳур Трафалгар майдонида ёзилади.
Шунингдек, Салҳанинг айтишича, «Исломий Релиеф” вақфи Туркия ва Суриядаги зилзила қурбонларига моддий ёрдам кўрсатиш учун хайрия тадбири ҳам ташкил этмоқда.
"Бутун Рамазон чодири лойиҳаси иштирокчилари номидан Туркия ва Суриядаги зилзиладан жабрланган биродарларимизга ҳамдардлик билдираман. Рамазон ойи барча мусулмонларга муборак бўлсин”, дейди у.
Рамазон чодири лойиҳаси ташаббускорларидан бири Доушан Ҳумзаҳ тадбирнинг аҳамияти ва мақсади ҳақида гапирар экан: “Биз нотанишларни дўстга айлантирамиз ва исломий жамият туйғусини яратамиз”, дейди.
Ҳумзаҳ ифторлик дастурлари тарихий ва машҳур стадионларда ўтказилишининг сабабларига ҳам тўхталди.
"Бу йил футбол клублариниг хайриямизда катта улушлари бор. Челси жамғармаси ва футбол клуби билан ҳамкорлигимиз натижасида илк бор Премер-лига жамоасининг стадионида ифторлик тадбирини уюштирамиз", дейди у.
Ҳумзанинг қўшимча қилишича, "Челси" ва "Брайтон" клублари стадионларидан ташқари, "Астон Вилла" ва "Квинс Парк Рейнжерс" ва "Уэмбли" стадионларида ифторлик дастурлари ўтказилиши режалаштирилмоқда.
