Маҳмуд Аббос: “Исроилнинг ҳужумларини тўхтатинглар!”

13:00 12.08.2019 1713

Фаластин президенти Маҳмуд Аббос халқаро ҳамжамият ва араб давлатларига мурожаат қилиб, Исроилнинг ҳужумларини тўхтатишга чақирди. Бу ҳақда “Анадолу” агентлиги хабар бермоқда.

Фаластин раҳбари Масжиди Ақсога босқинлар ва мусулмонларга ҳужумлардан Исроил ҳукумати маъсул эканини таъкидлади, Исроил полициясининг Масжиди Ақсодаги ҳужумини қаттиқ қоралади.

“Масжиди Ақсо биз учун қизил чизиқ ҳисобланади. Босқинчилар ва кўчиб келганларнинг такрорланаётган ҳужумларига жим туриш мумкин эмас”, – деди у.  

Эслатиб ўтамиз, кеча Қурбон ҳайити намозидан кейин Масжиди Ақсода фаластинликлар ва Исроил полицияси ўртасида тўқнашув юз берди. Бунинг оқибатида 37 фаластинлик яраланди, 14 нафари касалхонага ётқизилди. Тўқнашувга 700 дан зиёд мутаассиб яҳудийнинг “мотам ва рўза куни” муносабати билан Масжиди Ақсога киришга уриниши сабаб бўлди.

Azon.uz янгиликларини Telegram'да ҳам кузатиб боринг!