Бугун Саудия Арабистонида навбатдаги ҳаж мавсуми бошланди. Коронавирус билан боғлиқ чекловлар туфайли зиёратчилар орасида чет элдан келганлар умуман йўқ. 
Бу йил коронавирусга қарши эмланган 18-65 ёш оралиғидаги 60 минг Саудия Арабистони фуқароларига ҳаж қилишга рухсат берилди. 
Зиёратчиларни тўртта – Ан-Наварийя, Аз-Зайди, Ал-Шариа ва Ал-Хада марказлари қабул қилди. У ерлардан гуруҳларга бўлинган зиёратчилар Масжидул ҳаромга бориб, тавофни амалга оширишади, ҳар уч соатда 6 минг киши боради. 
“Омадим келиб, бу йил ҳаж зиёратчилари орасидаги эканлигимдан жуда ҳам хурсандман”, – дейди эллик ёшли Амина ал-Жазира. 
Саудия Арабистони ҳукумати ҳар йигирма зиёратчига бир нафар тиббиёт ходимини ажратди, улар гуруҳларни йўналтириб туради ва профилактика чораларига риоя этилишини назорат қилади. Касалликлар профилактикаси ва назорати марказининг таъкидлашича, зиёратчилар орасида ижтимоий масофани сақлашга алоҳида эътибор қаратилади.