Франция президенти Эммануэл Макрон ҳам коронавирусга чалинди. Бу ҳақда президентнинг матбуот хизмати маълум қилди.
Касалликнинг илк белгилари намоён бўлгач, тест ўтказилган ва Макроннинг чиндан ҳам коронавирус юқтириб олгани тасдиқланган. Тиббий йўриқномага биноан энди Франция президенти ўзини 7 кун изоляция қилади, бу вақт мобайнида масофадан ишлаб туради. Унинг кейинги ҳафтага режалаштирилган Ливан сафари бекор қилинди.
Макрондан ташқари Франция бош вазири Жан Кастекс ҳам изоляцияда бўлади.
Францияда коронавирусга қарши эмлаш ишларини декабрь ойининг охирида бошлаш режалаштирилган бўлиб, 6-8 ҳафта давом этиши кутилмоқда. Биринчи навбатда кексалар уйларида яшовчилар эмланади. Иккинчи босқичда эса 14 миллион киши эмланади, учинчи босқич баҳорнинг охирларида бошланади.
