Telegram каналимизга аъзо бўлинг
Янгиликлар

Франция президенти Макрон тарсаки еди

6246

Франция президенти Эммануэл Макроннинг соқчилари мамлакат жануби-шарқидаги Дром департаментидаги Тэн Л’Эрмитаж шаҳарчасида давлат раҳбарига қилинган ҳужумда иштирок этган икки кишини ҳибсга олган
Маълумотларга кўра, улар воқеадан сўнг дарҳол қўлга олинган. Гумонланувчилардан бири - 28 ёшли эркак – Макронга шапалоқ тортиб юборган, иккинчиси эса бўлаётган воқеани суратга олган.
Қўлга олинганлар маҳаллий полиция бўлимига юборилган. Улар давлат ҳокимияти вакили бўлган шахсга нисбатан қасддан зўравонлик қилишда айбланмоқда.
Валанс шаҳри прокурори (Дром департаменти маркази) журналистларга ҳужумнинг сабаблари ҳанузгача номаълумлигини айтган. Ҳибсга олинганларнинг иккаласи ҳам илгари судланмаган маҳаллий фуқаролардир. 
Аввалроқ, президентни уришдан олдин эркаклардан бири "Француз ҳаракати" ташкилотининг шиорини бақиргани ҳақида хабар берилган эди. Ушбу гуруҳ 20-асрнинг бошларида мавжуд бўлган ва мамлакатда монархия тикланишини қўллаб-қувватлаган. 1944 йилда Германия истилоси пайтида хоинларни қўллаб-қувватлагани учун “Француз ҳаракати” тақиқланган эди, аммо кейинчалик ташкилот қайта тикланди. Сўнгги йилларда унинг фаоллари мамлакатга мусулмон мамлакатларидан келган муҳожирлар оқимига, сўл қанот партияларга, шунингдек, француз компанияларининг чет элликларга сотилишига қарши фаол қаршилик кўрсатмоқда.
Француз сиёсатчилари давлат раҳбарига қарши жисмоний тажовузни қоралаган. Ўта сўл "Бўйсунмаган Франция" партиясининг етакчиси Жан-Люк Меланшон, “Миллий бирлик” партияси раҳбари Марин Ле Пен ва республиканинг Бош вазири Жан Кастекслар президент билан бирдамликларини изҳор қилишди.
«Республика президентига берилган зарба демократияга қаратилган... Демократия - бу мунозара, диалог, ғоялар тўқнашуви, келишмовчиликнинг қонуний ифодаси. Аммо ҳеч қандай ҳолатда бу зўравонлик, оғзаки тажовуз ёки жисмоний тажовуз бўлиши мумкин эмас», - деган Кастекс Франция Миллий Ассамблеяси йиғилишида.

УЛАШИНГ:

Теглар:

Мавзуга доир:

Шавкат Мирзиёев ўзбекистонликларни эмланишга чақирди

152 23:45 23.07.2021

Эронда сув таъминотидаги узилишлар намойишларга сабаб бўлди

114 23:10 23.07.2021

Кандован – қоядаги афсонавий қишлоқча

413 21:55 23.07.2021

Ўзбекистонга яна уч турдаги вакцина келтирилиши мумкин

460 21:10 23.07.2021

Европа Иттифоқи афғонистонлик қочқинлар оқимини тўхтатиш учун маблағ ажратади

304 20:05 23.07.2021

Ўлим жазоси берилган ўн икки киши сабабли Мисрга босим ўтказилмоқда

605 19:20 23.07.2021
« Орқага