Янгиликлар

Мактабда ўқувчининг эмас, ўқитувчининг кийиниши сабабидан жанжал келиб чиққан

4292

Куни кеча ижтимоий тармоқларда Андижон вилоятидаги мактаблардан бирида директорнинг калтаклангани ҳақида хабар тарқалди. Айримлар бунга ўқувчилардан бирининг кийиниш маданияти сабаб бўлганини таъкидлади, айримлар эса дарров рўмол ўраб келган қизнинг отаси директорни калтаклабди, деб иддао қилди. Аслида бундай ачинарли ҳолат чиндан ҳам юз берган ва бу ўқувчи қизнинг рўмолдан эмас, аксинча, аёл ўқитувчининг маданиятига мос бўлмаган ҳарир либосда мактабга келгани ортидан келиб чиққан. Бу ҳақда бош прокуратура матбуот котибининг телеграм каналида изоҳ берилди:

Андижондаги мактабда педагоглар калтакланганлиги юзасидан

2019 йил 5 октябрь куни соат 13.30ларда фуқаро У.Т. ва бошқалар, жамиятда юриш туриш қоидасини қасддан менсимасдан, жамоат жойи ҳисобланган 50-сонли умумтаълим мактаби биноси ҳудудига келиб, мазкур мактабда директор ўринбосарлари лавозимида ишловчи Ш.Ўрмонов ҳамда Г.Ашуровлар билан асоссиз равишда ўзаро жанжаллашиб, жанжал вақтида қўллари ҳамда бошқа жисмлар билан уларни турли соҳаларига зарбалар беришган.

Олиб борилган терговга қадар текшириш ҳаракатлари давомида, мактаб директори ўринбосарлари гумон қилинувчи Т.У.нинг турмуш ўртоғи, мазкур мактабда ўқитувчи вазифасида ишловчи Ю.Д. кийиниш маданиятига риоя қилмаганлиги боис танбеҳ берганликлари сабаб бўлган.

Ҳолат юзасидан ўтказилган суд-тиббий экспертиза маълумотномасига кўра, Ш.Ўрмонов ҳамда Г.Ашуровларга қисқа муддатли соғлиқни бузилишига олиб келган енгил шикаст етказилган.

Мазкур ҳолат юзасидан Андижон шаҳар ИИБ томонидан терговга қадар текшириш ҳаракатлари олиб борилмоқда.

УЛАШИНГ:

Теглар:

Мавзуга доир:

Яманда миллионлаб болалар уруш давом этаётгани сабабли мактабга бора олмаяпти

244 18:35 27.09.2019

Мактаблар олов остида ёхуд минглаб суриялик болалар таълим олиш имкониятидан маҳрум

917 14:05 23.09.2019

Мактабгача таълимнинг янги тури жорий этилмоқда

715 12:05 20.09.2019

Нега мактабларда таълим сифати паст?

1209 18:05 11.09.2019

Болаларни мактабга қабул қилиш учун қандай ҳужжатлар топширилади?

353 17:35 09.09.2019
« Орқага